ودّي بك.. وابيك.. واباك ..وابغـاك.!

ودّي بك.. وابيك.. وابـاك ..وابغـاك
جمّعتهـا لرضـاك واخـتـار فيـهـا

شف ويش منها يتبع احكاك ورضـاك
واللي لك اسقي مسمعـك لا ضميهـا

غديت (افر)احكـاي واسايـر احكـاك
وانـا تشّـرف لكنـتـي واهتويـهـا

مضمونهـا ودي بشوفتـك واهـواك
ياللي دروب اهل الـردى مـا تجيهـا

صانـك ولـي امـرك وحبـك وداراك
ولاقـدر ردع الحـظـوظ ومجيـهـا

نفسـك مهذبهـا وعـز الله ربّــاك
مايـدري ان جيـش الهيـام يغزيهـا

والله قسم يبـلاك بـي وانـت يبـلاك
باللي سواتي فـي العـرب يرتجيهـا

محبة (ن ) ذربه من القلـب تكسـاك
محبة (ن) صـدق الهـوى يكتسيهـا

يامـرك قلبـك بالوفـا لـي وتنهـاك
ناس (ن) على لامـاك تفـرك يديهـا

رزيـن عقـل ومـن مزايـا مزايـاك
نفسـك تحـب وعفـتـك تمتطيـهـا

وتطيع عقل (ن) ما بعد زل واغـواك
مشاعرك تعصـاه ..وانـت تعصيهـا

ماشفـت منـك الا عيونـك ويمنـاك
محبـة (ن) راع الـردى مـا يبيهـا

يقبـض فـوادي لا تخيلـت فـرقـاك
ياشف عين (ن) مـا سـواك يعنيهـا

وياعزوة اخوانـك ومطلـب هـذولاك
نـاس (ن) محبـة والـدك تدعيـهـا

ناس (ن) تخـدم ابيـك كلـه لعينـاك
وهو يحسـب ان الله عليـه يهديهـا

ياجعلها تفدى علـى الارض ماطـاك
والله بمـن هــو مثلـهـا يبتليـهـا

لكـن لعـب فـي ياوليفـي تـغّـلاك
ونفسي غلاك مـن الصـدود يحديهـا

تبطـي علـي وانـا هنـا واتحـراك
وكبـدي لواهيـب الصبـر تشتويهـا

اجمّع علومـك امـن هنـاك وهنـاك
والله لـو انهـا تنشـرى لا اشتريهـا

وعذرك (انا لاهي) يا ويش اللي الهاك
لاهـي ومر(ن)منـت لاهـي تليـهـا

كانك مشكك في الوفـا والغـلا هـااك
جوالـي اقـر القائمـه كـل ابيـهـا

رقمك مع الصـادر ولا وارد اسـواك
والناس في اللي ( لم يـرد عليهـا ).

وايــاك واياني...وايـانـي ايــاك
من غيبة (ن) من دون عذر يحميهـا


من روائع ابن فطيس

رقمك مع الصـادر ولا وارد اسـواك
والناس في اللي ( لم يـرد عليهـا ).

وايــاك واياني...وايـانـي ايــاك
من غيبة (ن) من دون عذر يحميهـا

ابيات جميلة

تسلمين على النقل

ابيات رائعة

سلمت اناملك ع النقل

تقبلي مروري